INTERNETDƏ ASTRONOMIYA RESURSLARI

Astronomiya digər elm sahələrindən fərqli olaraq hamını maraqlandırır. Elə bu səbəbdən də Şəbəkədə onun saytları saysız -hesabsızdır. Bu informasiya dənizində azmamaqdan ötəri bir neçə əsas saytların adreslərini bilmək vacibdir. Hansılardır bunlar ?
Rusdilli saytlardan astronet.ru geniş əhatəlidir. Siz burada astronomik yeniliklərlə, astronomiya ədəbiyyatı yeniliklərilə tanış ola, astronomiyanın bütün sahələri üzrə elmi məlumatlar ala bilirsiniz. Burada gündən-günə zənginləşən onlayn jurnalında maraglı elmi məgalələr dərc olunur.
Internetdə ingils dilli resurslar əsas yer tutur və çoxminli saytlar arasında ən çox üz tutulan saytlardan biri PlanetWatch-dır (1996-cı ildən işləyir, havayı variantı var) . Bu saytda cari və yaxud istənilən tarix üçün planetlərin, Ayın və Günəşin səma ulduz xəritəsində vəziyyətini görə bilərsiniz. Düzgün istifadə etmək üçün "Set time toolbar"ıyla öz saat zolağınıza keçməlisiniz - şəhərlərin siyahısında uyğun gələni seçməklə. Azərbaycanın saat zolağı +04:00-Abu Dabi, Muskat, Tbilisi, Kazandır. Xəritədə istədiyiniz obyektin üzərində düyməni basmaqla ona aid bütün elmi informasiya ilə tanış ola bilərsiniz. Xəritədə Günəşdən soldakı obyektlər axşamlar, sağdakılar isə səhərə yaxın görünürlər.
Astronomy Picture of the Day (Günün astronomik mənzərəsi) saytı mövzu cəhətdən daha zəngindir və oraya hər gün yeni astronomik xəyallar əlavə olunur. Hər bir şəkilə başqa resursların adresiləri göstərilməklə qısa izahat verilir. Astronomiya və kosmonavtikaya aid ən yeni məlumatları isə Space News - də, kiçicik məqalələr formasında tapa bilərsiniz. Headlines Archive - NASA-dandır və ən tez-tez təzələnən resursdur. Burada, demək olar ki, hər gün astronomiya yeniliklərinə aid məqalələr dərc olunur və bir neçə ilin yeniliklərinin arxivləri saxlanılır.
Əgər sizi kosmik obyektlərin və kataklizmlərin 2.4 metrlik Habbl kosmik teleskopu (HST) vasitəsilə alınmış xəyalları maraqlandırırsa, onda Hubble Space Telescope Pictures-ə baxın. HST-nın şəkilləri bir neçə qrupa bölünür : Günəş sistemi, Ulduzlar, Dumanlıqlar, Ulduz topaları, Yeni və İfrat Yeni ulduzlar, Ulduzların təkamülü, Qalaktikalar, Kvazarlar və Kosmoloqiya. Habbl şəkilləri, az miqdarda HST's Greatest Hits -də də var. Baş çəkməyi unutmayın !
Space Weather (Kosmik Hava) resursu kosmik proseslərin Yerə təsiri problemləri ilə maraqlananlar üçün nəzərdə tutulub. Burada Günəş aktivliyinin hazırki vəziyyəti, proqnozu, meteor yağışları haqda məlumatlar verilir və məqalələr dərc olunur.
Space Environment Center-də Günəşi cari anda teleskop vasitəsilə görə bilərsiniz. İstənilən tarix üçün xəyalların arxivi də var.
Məşhur Sky &Telescope jurnalı əsasən astronomiya həvəskarlarına aid nəşrdir. Burada müasir astronomiya tədqiqatlarının, teleskop və vəsaitlərin icmalı verilir. SSD-qurğuları və təsvirlərinə aid ayrıca rubrika da var.
Əgər ulduzlu göyün ayrı-ayrı güşələrinin fotosunu əldə etmək istəsəniz, burada sifariş verə bilərsiniz ( MDB-lilər üçün havayıdır). Bu fotolar 1.22 metrlik teleskop vasitəsilə alınmış rəqəmli Palomar atlasına daxildirlər. Ulduz xəritəsini əldə etmək üçün maraqlandığınız obyektin adını və yaxud koordinatını daxil etmək lazımdır.
Optik diapazondan başqa spektral diapazonlarda göyə tamaşa etmək istəyənlər Sky View -dən istifadə edə bilərlər. İnternetVirtual Teleskop vasitəsilə radio diapazondan başlayaraq rentgen diapazonunadək bütün şualanma diapazonlarında kainatı seyr edə bilirsiniz.
Astronomiya ilə daha yaxından maraqlananlar üçün İnternetdə son illər yeni bir servis növü də peyda olub. İstəsəniz, kifayət qədər peşəkar teleskop vasitəsilə öz şəxsi müşahidələrinizi də sifariş verə bilərsiniz. Buyurunuz! !
Artıq neçə illərdir bir qrup alim böyük radioteleskoplar vasitəsilə kosmosda şüurlu varlıqların radiosiqnallarını axtarırlar. Puerto - Rikodakı Aresibo kraterində gurulmuş 300 metrlik amerikan radioteleskopu vasitəsilə kosmik radiomənbələrdən külli miqdarda radiosiqnallar alınır və bu qədər siqnalları saf-çürük etməyə heç superkompyuterin belə təkbaşına gücü çatmaz. İstəsəniz, proyektin - SETI@Home -in təşkilatçılarına müraciət edib işləmək üçün materiallar ala bilərsiniz. Əgər günlərin bir günü araşdırdığınız siqnallarda şüni siqnallara rast gəlsəniz, adınızın tarixə düşəcəyinə əmin ola bilərsiniz.
Beynəlxalq şəbəkədə astronomiya resurslarının ən zəngin bazası AstroWeb- dir. Astronomiyaya aidiyyəti olan bütün saytlar, təşkilat və müəssisələr orada qeydiyyatdan keçməyə çalışırlar. Ən qiymətli sayt isə, sözün əsil mənasında Astronomiya və Astrofizika Ensiklopediyasıdır. 2750 məqaləsi, 650 bioqrafiya və 14000 mündəricə girişi var və 2000000 sözlə axtarış apara bilir !